Бакча җиләген кышка каплап калдырырга кирәкме?

  Бакча җиләген кышка әзерләү төбәккә бәйле. Кыш карлы булган якларда, җиләкләрне капламасаң да була, аларны салкыннан кар катламы саклый. Кар катламы 30 см дан ким булмаска тиеш – шул чакта җиләк өшеми.

  Әгәр салкын җил карны түтәлләрдән себереп алып китсә, яки температура бик түбән булса, җиләкне капларга кирәк.

  10-15 градуслы салкыннар көтелсә, җиләкне каплау кирәкми.

  Агроном сүзләренчә, Россия төбәкләренең күбесендә бакча җиләген каплау кирәк. Еш һәм җитди салкыннар була торган төбәкләрдә җиләкне каплыйлар. Моның өчен табигый материал – ылыс, салам, торф, яки сатып алынган әйберләр кулланыла.

  Бакча җиләге өшесә, җәен ул җиләкне аз бирә, алар вак була, формасы да дөрес булмый, диелә хәбәрдә.

   _{Чыганак:https://intertat.tatar/news/bakca-ilagen-kyska-kaplap-kaldyryrga-kirakme-5868995}

   _{Фото:https://ru.freepik.com/free-photo/several-strawberries-red-mellow-fresh-ripe-perfect-isolated-dark-floor_8081219.htm#fromView=search&page=1&position=19&uuid=bf3b17cc-71a9-4418-949b-5eb8ee10e308}