Бәрәңгегезнең төсе нинди?

  Ниһаять, бәрәңгеләр утыртылды. Бакча эшләре дә бер мәлгә азайгандай тоела. Ә сез бәрәңгене утыртканда аның төсенә игътибар итәсезме? Әллә инде иң уңдырышлысына, эре булганына өстенлек бирәсезме?

Бәрәңге кабыгының төсе - сорт билгесе, ул продукциянең сыйфатына бернинди йогынты ясамый диярлек. Ә менә эченең төсе билгеле бер өстенлекләр бирә:

- ак йомшаклы сортларда крахмал күбрәк (шуңа кайберәүләр бәрәңгене әрчегәч суга салып тота);

- сары төстәге сортларда - каротин (А витамины) югарырак була;

- кызгылт төстәге сортларда иммун системасын ныгыту өчен файдалы антоцианнар (антиоксидант) күп.

Сез ниндиләрен чәчтегез соң?

_{Чыганак:https://kiziltan.ru/articles/poleznoe/2025-06-03/b-r-gegezne-t-se-nindi-4262705}

_{Фото: «Кызыл Таң»}