Апас делегациясе “Ел хатын-кызы. Ел ир-аты: хатын-кыз карашы” республика бәйгесенең җиңүчеләрен бүләкләү тантанасында катнашты

   (4 март, “Апастово-информ”).
  Әлеге чарада район башкарма комитеты җитәкчесе урынбасары Гөлүсә Галләмова җитәкчелегендәге Апас делегациясе дә катнашты. 
  Районыбызның көмеш волонтерларын әйдәп баручы Апастан Сания Сафиуллина әлеге бәйгенең “Аерым танылу” номинациясендә җиңү яулады.
  Апас волонтерлар хәрәкәте җитәкчесе Сания Сафиуллина яралылар өчен ике ел элек  носилкалар тегү эшен башлап җибәргән иде. Үзе артыннан бик күп өлкәннәрне әйдәде ул. Изге күңелле абый-апалар бүгенге көндә эшләрен киңәйтеп, “Алга” яшүсмерләр клубында хәрбиләргә бик күп кирәк-яраклар әзерлиләр.