Апаста Габделбарый һәм Роза Сафиннар гаиләсен хөрмәтләделәр

(1 август, “Апастово-информ”).

Шәһәр тибындагы Апас бистәсенең башкарма комитеты җитәкчесе Луиза Сафина район башлыгының изге теләкләрен ирештереп, Рәхмәт хатын, истәлекле бүләк һәм чәчәк бәйләме тапшырды.
Габделбарый һәм Роза Сафиннар 55 яшьлек гаилә бәйрәмнәрен каршыладылар.
Габделбарый абый тумышы белән Чирмешән авылыннан, хәрби юл үткән, хөрмәтле шәхес. Рәҗәп авылы кызы Роза апаны гомерлек яр итеп сайлап, иңне иңгә куеп яшәгәннәр алар. Бүген дә тигез һәм һәркемгә үрнәк гаилә булып гомер кичерәләр. Гомер көзләрен туган якларда үткәрү белән дә бәхетле алар.