Апаста волонтёрлар ярдәме дәвам итә

(13 апрель, “Апастово-информ”).
Бүгенге көндә волонтёрлар тарафыннан тактик носилкалар тегү һәм җыю эше актив рәвештә алып барыла. 

Моннан тыш, “Алга” яшүсмерләр клубында да гуманитар ярдәм җыю оештырылган. Игелекле райондашларыбыз көн саен, ике сменага бүленеп, җиң сызганып хезмәт итә.

“Биредә һәркем үз өлешен кертә ала - кирәкле әйберләр алып килеп, хәрбиләргә ярдәм итү мөмкинлеге бар. Илебезнең иминлеген саклаучы егетләргә ярдәм итү - һәркемнең бурычы. Район халкын әлеге игелекле эшкә кушылырга өндибез”, - ди Апас волонтерлар хәрәкәте җитәкчесе Сания Сафиуллина.