Борнаш мәктәбе «Ярдәм янәшә” акциясенә кушылды

(9 октябрь, “Апастово-информ”).

“Без атна дәвамында батыр егетләребезгә кирәкле әйберләр алып килдек. Азык-төлек, киемнәр, гигиена әйберләре һ.б. җыйдык. Әлеге акциягә кушылган мәктәп коллективына, укучыларыбызга һәм аларның гаиләләренә, әти-әниләргә зур рәхмәтләребезне җиткерәбез. Барыбыз да бердәм булып, тиз арада бу эшебезне башкарып чыктык. Бердәмлектә-көч!” – ди мәктәп директоры Алсу Шәйхетдинова.
Гуманитар ярдәмне волонтерларга тапшырдылар. Посылкалар тиздән махсус хәрби операция зонасына юл алачак.
“Посылкаларыбыз күңел җылыбызны да кушып солдатларыбызга барып җитәр дип ышанабыз, исән-имин тизрәк әйләнеп кайтуларын бик-бик теләп калабыз”, - диләр оештыручылар.