Янгелде авылы башына истәлек тактасы куелды

(26 апрель, “Апастово-информ”).

Абыйлы-энеле Илһам һәм Рәис Баһавиевлар туган авылларында чираттагы изге, саваплы эш үрнәге күрсәттеләр. Алар геройның исемен мәңгеләштерү һәм киләчәк буыннарга таныту максатыннан авыл башына истәлек тактасы урнаштырдылар. Биредә геройның фотосурәте беркетелгән һәм тормыш юлы язылган.
“Районыбздан өч Советлар Союзы герое чыккан. Без алар белән чиксез горурланабыз. Ватанпәрвәрлек гаиләдән, мәктәп елларынннан башлана. Яшьләребез дә геройларның исемнәрен белеп, алар белән горурланып үссеннәр иде”, - дип телиләр Баһавиевлар.