“Йолдыз” (“Звезда”) игълан иткән “Мин әнигә охшаган” бәйгесенә өченче язманы Багыш авылыннан Идиятуллина Гөлшат Кәрибулла кызы юллады.

(24 ноябрь, «Апастово-информ»)

Әниебезнең бала чагы сугыш чорына туры килеп, ачлы-туклы, михнәт күреп үскән ул.

6 баланың иң олысы булып, якыннарын кайгырту да аның өстендә булган. Сугыштан сонгы авыр елларда торф чыгаруда, тимер юлда эшләгән, гомере буе колхозда эшләп ялга чыкты

...Әтиебез белән 4 балага тәрбия-белем биреп, олы тормышка озатканнар. Уңган-булган әнием төп йортта яшәп, гел кунаклар каршы алып, сыйлап, күчтәнәчләрен төяп озата иде (эле хәзер дә). Җәй буе төрле дару үләннәре җыя, орлыклар булдыра, йон эрләп оекбашлар бәйли иде. Ул хәзер дэ хәрэкәттә, тәсбих тартып, догаларын укып безгэ теләкләр тели.

Мин дә авылда яшим, төп йортта яшәүченең изге вазифалары миңа да күчте, йомшак күңелле, изге җанлы, кунакчыл әниемнән үрнәк алуым, шундый әнием исән-сау булуына бик бәхетле, шатмын!