Каратун мәктәбе коллективы картлар йортында булды
Өлкәннәр ункөнлеге кысаларында, Каратун мәктәбе укытучылары һәм укучылары Тәтеш өлкәннәр һәм инвалидлар интернат-йортында булды. Бу изге гамәл инде берничә ел кабатлана.
(6 октябрь, “Апастово-информ”).
Өлкәннәр өчен эчтәлекле концерт күрсәттеләр, йөрәк җылыларын өләштеләр. Апа-абыйлар белән ихластан аралашып, аларга күңел күтәренкелеге дә бүләк иттеләр.
Балалар тавышы белән җырланган һәрбер җыр яшьлеккә кайтара, үз куллары белән бүләк ителгән һәрбер открытка: "Без хәтерлибез. Без бәялибез. Без яратабыз" – дигән мәгънәне җиткерә.
Өлкәннәрнең күзләрендә бәхет яшьләре балкыды, ә балаларның йөрәкләрендә мәрхәмәтлелек хисләре туды.
Өлкәннәр күчтәнәчләр алды, тәмле чәйләр эчте, яшь буынның кайгыртуын тойды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев