“Мин әнигә охшаган” бәйгесенә Казанда яшәүче Роза Сафинадан:

(25 ноябрь, «Апастово-информ»)

Əнием - Мингазова Галия Əхсән кызы көләч йөзле, изге күңелле, мөлаем, юмарт, җор телле ханым. Ул бар гомерен балаларга белем биругә багышлаган. Лаеклы ялда булуга карамастан, Борнаш урта мәктәбендә рус теле дәресләрен алып бара. Авылыбыз мәчетендә коръән укыту дәресләренә йөрергә дә өлгерә. Инде күп еллар намазда. Зур Һаҗ сәфәрләрен үтәп кайтты ул быел.
Əнием гөлләр ярата. Җәен безнең ишегалды ел да чәчәккә күмелә. Тәрәзә төпләре, өй почмаклары да гөлләргә күмелгән.
Бәйрәм җитә бит- Əниләр көне! Бәйрәмен белән, әниебез!