“Мин әнигә охшаган” бәйгесенә Ләйсән Баһаветдиновадан

(24 ноябрь, «Апастово-информ»)

Озак еллар Апас районы халкы сәламәтлеге сагында торган Актаныш кызы ул. Аның гел кешегә ярдәмгә ашкынуын, хезмәтен яратуын без күреп үстек.
Без - әнинең өч алтын бөртеге. Ике кызы, улы янына хәзер оныклар өстәлде. Әниебез оныкларын бездән дә артык ярата, гел булышырга, тәрбиягә өлеш кертергә тырыша.
Әнием гүзәл дә, уңган-булган да, сабыр да. Кыенлыкларны уздырып җибәреп, елмаерга көч таба белә. Без дә әнидән үрнәк алабыз. Әни янына ашкынып кайтабыз. Аның кунакка килүен көтеп алабыз. Син безнең яшәү маягыбыз, әни! Балаларың сиңа охшаган!