Кешеләрең синең, Апасым!
Республика бәйгесендә җиңү яулаган районның авыл хуҗалыгы оешмалары Татарстан Республикасы Авыл хуҗалыгы министрлыгының Рәхмәт хатына лаек булды
Район хакимиятендә узган киңәшмәдә агросәнәгать оешмалары арасында узган республика бәйгесе җиңүчеләрен тәбрик иттеләр.
(29 декабрь, “Апастово-информ”).
Республика күләмендә узган бәйге нәтиҗәләре буенча “АгроАктив” хуҗалыгы беренче урынга ия булды. “Апас-Мол” агрофирмасы икенче урынны, ООО СХП “Нур” хуҗалыгы өченче урынны яулады. Атналык киңәшмәдә район башлыгы Айрат Җиһаншин бәйге җиңүчеләрен уңышлары белән тәбрик итеп, Татарстан Республикасы Авыл хуҗалыгы министрлыгының Рәхмәт хатларын тапшырды.
Район башлыгы “Табар” хуҗалыгының да нәтиҗәле эшчәнлеген билгеләп узып, хезмәт коллективын Рәхмәт хаты белән бүләкләде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев