Танай-Турай авылыннан Рәмис абый һәм Фәридә апа Әхмәтҗановлар алтын туйларын каршы алдылар

(30 июль, «Апастово-информ»)

Авыл хуҗалыгында тырыш, намуслы хезмәт куйган алар, өч бала тәрбияләп үстергәннәр. Бүгенге көндә ике оныклары Алмаз һәм Михаил махсус хәрби операциядә Ватан өчен изге көрәштә.
-Тормышта төрле чаклар булды. Беребез ачулансак, икенчебез дәшми калырга тырышты. Гаиләдә иң элек бер-береңә хөрмәт булырга тиеш. Яшьләргә дә киңәшебез шул – эш белән мәшгуль булсыннар, сынауларга, авырлыкларга бирешмәсеннәр, бер-берләрен яклап, саклап яшәсеннәр. Гаиләләр тигез булсын, бала хәсрәтләре күрергә язмасын, - ди Фәридә апа.