Апаста “Йолдыз”лы “Зәлидә” көтелә
16 августта 18.00 сәгатьтә Апас үзәк парк мәйданында Коштавылы һәм Дәвеш авылы мәдәният хезмәткәрләре белән берлектә “Йолдыз”лы “Зәлидә” узачак. Бәйрәм варенье һәм бәлеш көне төсен алачак һәм җыр-бию, уен-көлке белән үрелеп барачак. Бәйрәмнең махсус кунаклары – Каратун мәдәният йорты хезмәткәрләре дә матур чыгышларын бүләк итәчәк.
Үзегез белән бергә быелгы уңыштан әзерләнгән, берсеннән-берсе тәмле вареньеларыгызны, үзенчәлекле рецептлар белән пешергән камыр ризыкларыгызны да алып килегез. (Әлеге “тәмлүшкәләр”егезнең рецептларын редакциябезгә дә юлласагыз, без аларны ел дәвамында “Йолыз” битләрендә яктыртып барачакбыз).
Сатуда – бик кызыклы китаплар тәкъдим ителәчәк. Үзегез белән акча алып килергә онытмагыз.
Следите за самым важным и интересным в Telegram-каналеТатмедиа
Нет комментариев