Чирмешән авылында да борынгы милли йола – Сабантуйга бүләк җыю булды.
(2 июнь, “Апастово-информ”).
“Балалар, яшь кызлар-егетләр, “Сандугач” төркеме кызлары җыелышып, җырлый-җырлый авыл урамнарын әйләндек. Безне һәркем ачык йөз белән каршы алды. Бүләкләрен биреп, изге, матур теләкләрен теләп, балаларны тәм-томнар белән сыйлап озаттылар. Капка төпләрендә туктап, биешеп күңел ачтык, авылдашларны Сабан туена чакырдык. Бу милли йолабыз югалмасын, киләчәк буыннар да дәвам итсен иде”, - ди мәдәният йорты мөдире Нурия Габдрахманова.
Нет комментариев