Иске Йомралы үзешчәннәре Олы Бакырчы халкына бәйрәм концерты бүләк итте
Олы Бакырчы мәдәният йортында «Дуслар җыелган җирдә» проекты кысаларында бик матур, тирән эчтәлекле концерт узды.
(30 ноябрь, “Апастово-информ”).
“Иске Йомралы авыл җирлегенә кергән мәдәният хезмәткәрләре һәм "Асыльяр" кызлар вокаль ансамбле катнашында оештырылган кичә бер сулышта узып китте. Матур җырлар, дәртле биюләр, мәгънәле шигырьләр башкарып, тамашачыга бәйрәм концерты күрсәткәннәре өчен олы рәхмәт үзләренә. Олы Бакырчы авылы халкы бик яратып, алкышларга кумеп, җылы итеп тамаша кылды. Иҗади дуслыгыбыз өзелмәсен, дәвамлы булсын иде дигән теләкта калам”, - дип хәбәр итә Олы Бакырчы мәдәният йорты мөдире Ландыш Моталлапова.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев