Карамасар мәдәният йортында балалар өчен яңа ел тамашасы узды
Карамасардан һәм тирә-як авыллардан җыелган балалар өчен Казан шәһәренең антреприза театры артистлары «Яңа ел әкияте, яки Мисс Убырлы!» дигән интерактив спектакль күрсәттеләр.
(8 гыйнвар, «Апастово-информ»)
Бәйрәм чыршы әйләнәсендә, Кыш бабай һәм урман кунаклары белән бергәләп, яңа ел уеннары белән дәвам итте. Уеннарда җиңгән, җырлап, биеп үз осталыкларын күрсәткән балаларга, Кыш бабай, капчыгыннан татлы бүләкләр өләште. Профессионал артистлар башкаруындагы бу тамаша балаларга чын яңа ел кәефе бирде, авылдагы каникулларның иң күңелле мизгелләренең берсе булды дип өметләнәбез!
Елдагы традиция буенча, шушы бәйрәмне балаларга бүләк иткән фермер Нигъмәтҗанов Ленар Хөснулла улына авылдашлары рәхмәтле!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев