Морзалар авылында чыршы бәйрәменә “убырлы”, “бүреләр”, “шүрәлеләр” дә килгән

Чыршы бәйрәме быел аеруча кызыклы узган. Мәдәният йорты мөдире Гөлназ Миңнуллина хат язып “җәнлекләр”не кунакка чакырган. Балалар янына “Айсалан” җәнлекләре - убырлы, бүреләр, куяннар, шүрәлеләр дә килгән. Ә бәйрәмнең хуҗасы - әлбәттә инде, ат булган.
“Балалар үзләрен нәкъ әкияттәгедәй хис иттеләр. Җәнлекләр белән бергәләп уйнадылар да, шаярдылар да. Шулай ук Кыш бабай белән Кар Кызына иң матур шигырьләрен сөйләп, күчтәнәчләр дә алдылар. Чыршы бәйрәме балалар күңелендә онытылмаслык тәэсирләр калдырды”, - дип хәбәр итте Гөлназ Миңнуллина