Олы Бакырчыда гармуннар уйнап, җырлашып утырганнар

(14 октябрь, “Апастово-информ”).

“Өлкәннәр ункөнлеге уңаеннан оештырылган кичәбезгә авылыбызның актив волонтерлары, "Сердәш" фольклор ансамбле кызлары чакырылган иде. Матур, изге теләкләр, моңлы җырлар тыңлап, гармунга кушылып җырлашып утырулар кунакларыбыз күңеленә хуш килгәндер дип уйлыйм. Сый-нигъмәтләр тулы табыннар артында кызыклы истәлекләр барланды, яшь чактагы уеннар, биюләрне искә алып уйнап, биеп тә алдык, өлкәннәребез киңәшләрен тыңларга да өлгердек”, - ди мәдәният йорты мөдире Ландыш Моталлапова.