“Салават күпере” нәниләре әдәбият белән таныша

(23 октябрь, “Апастово-информ”).

“Шул уңайдан, Апас үзәк китапханә хезмәткәрләре тарафыннан "Салават күпере" балалар бакчасының “Алдынгылар хәрәкәте” төркеме өчен "Дәрзаманны укыйбыз" дигән әдәби уку сәгате үтте. Шагыйрьнең "Карурман кунаклары", "Канатлы каһарман", "Күзле кычыткан" китапларыннан кызыклы һәм мавыктыргыч шигырьләр һәм әкиятләр укылды. Балалар өчен язылган әсәрләр җылылык һәм ихласлылык белән сугарылган”, - дип хәбәр итәләр “Салават күпере” балалар бакчасыннан.