Урта Балтай балалары “Кыш бабай”да кунакта булганнар

(9 январь, “Апастово-информ”).

Бу көнне балалар Кыш бабай янына кунакка барган. Бәйрәм истәлекле мизгелләргә бай булып, бик күңелле узган. Балалар җырлаган да, биегән дә, бергәләп төрле кызыклы уеннарда да катнашкан. Кыш бабай балаларны бүләкләре белән дә сөендергән. 
“Балаларыбызның шат елмаюларын, күтәренке кәефләрен күрү - искиткеч рәхәт булды. Аларның һәрберсенә исәнлек-саулык, күңелле балачак, бәхетле киләчәк телибез”, - дип хәбәр итте Урта Балтай мәдәният йорты мөдире Лилия Җамалиева.