Зур Күккүздә балалар өчен бәйрәм узды

(6 гыйнвар, “Апастово-информ”).

Балалар чыршысы бик күңелле узды. Кыш бабай һәм Кар кызы белән бергәләп балалар күңелле ял итте.

“Балалар Кыш бабайга үзләренең сәләтләрен күрсәттеләр. Җырлар, биюләр, шигырьләр башкардылар. Төрле уеннарда да катнаштылар. Алар бәйрәмнән бик канәгать калдылар”, - дип хәбәр итте мәдәният йорты мөдире Шәһидә Гыйззәтуллина.

Мәдәният йортында чаралар дәвам итә. Биредә үк укучылар һәм студентлар арасында волейбол ярышлары да узган.

(0+)