ҺАВА ТОРЫШЫ ҺӘМ АЙ КАЛЕНДАРЕ

26 июньдә Татарстанда аязучан болытлы һава көтелә. Төнлә урыны белән яңгыр, көндез кайбер районнарда явым-төшем ихтималы бар. Җил төньяк-көнбатыштан, секундына 6-11 метр тизлектә, урыны белән 15-17 метрга кадәр фаразлана. Төнлә һава температурасы +8..+13 градус, көндез +17..+22 градус фаразлана.

Кимүче ай. Ай Сукояр йолдызлыгында.

Үсемлекләрне утырту һәм чәчү өчен уңышлы көн түгел. Яшелчәләргә үстерү стимуляторлары сибү, җиләк-җимеш агачларын һәм куакларын авыруларга һәм корткычларга каршы эшкәртү киңәш ителә. Шулай ук агач һәм куак тирәли, җиләк-җимешләр төпләрен мүлчәләргә мөмкин.

_{Чыганак:https://intertat.tatar/news/26-iyunga-hava-torysy-ham-ai-kalendare-58-5866977}