Ял көннәрендә Татарстанда 30 градуска кадәр кыздырачак

Татарстан буенча Гидрометеорология һәм әйләнә-тирә мохитне күзәтү идарәсе мәгълүматларына караганда, бүген көндез +29 градуска кадәр җылытачак. Кыска вакытлы явым-төшемнәр, яшен булырга да ихтимал. Җил секундына 15–20 метрга кадәр көчәергә мөмкин. Төнлә +5…+10 градус, көнчыгыш районнарда +15 градус җылы булачак. Шимбә төнлә +9…+14 градус, көндез +24…+29 градус җылы фаразлаганнар. Урыны белән кыска вакытлы явым-төшемнәр ихтималы да бар. Якшәмбе яңгыр вәгъдә итмәгәннәр, көндез +30 градуска кадәр эссе көтелә. Киләсе атна башында да чын җәйге һава торышы булачак. 3 һәм 4 июнь көннәрендә көндез +31 градуска кадәр җылы вәгъдә иткәннәр.

Чыганак: https://vatantat.ru/2024/05/143547/
© Ватаным Татарстан