Апаста “Автобус” операциясе барышында ике шофер җәза алган

(18 апрель, “Апастово-информ”).

Бу чорда ЮХИДИ хезмәткәрләре техник контроль чараларын көчәйтә.

– Автобуслар һәрвакыт аерым игътибар үзәгендә, чөнки алар күп санлы кешеләрне, шул исәптән мәктәп балаларын да йөртә, – ди ЮХИДИ бүлеге җитәкчесе Румбик Гәрәев.

20 апрельгә кадәр район юлларында йөрүче барлык автобуслар да тикшерү узачак. Әлегә 2 автобус шоферына беркетмә төзелгән. Транспортларның алгы тәрәзәләре ватык булган.