Татарстанда 4 миллион тоннадан артык ашлык суктырганнар – кайда күпме җыйганнар

(13 сентябрь, «Апастово-информ»)

13 сентябрьгә 4 млн 150 мең тонна ашлык суктырылган, уртача уңдырышлылык гектарыннан 38,7 га тәшкил итә. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

Тәтеш районының кайбер хуҗалыкларында уңдырышлылык 51 ц/га тәшкил итә. Әтнә районында 49,0 ц/га, Аксубай һәм Кукмара районнарында 47,8 ц/га, Балтач һәм Мамадыш районнарында 46,7 ц/га һәм 45,1 ц/га.

Аксубай районында урып-җыю тәмамланган, алар 115 мең тонна ашлык җыйган.