Бөтенроссия дәүләт телерадиокомпаниясе журналисты Павел Зарубин «Татар-информ» хәбәрчесе Арсений Кәримов белән әңгәмәдә Казанның зур вакыйгалар оештыра алуы һәм чәкчәккә булган мәхәббәте хакында сөйләгән. Әлеге видеоны агентлык хезмәткәре үз блогында бастырган, дип яза “Татар-информ”.
(19 июнь, “Апастово-информ”).
Татарстан башкаласының кабул итүе Мәскәү журналистын берникадәр гаҗәпләндергән.
“Әлбәттә, искиткеч шәһәр, бик матур", - дип ассызыклаган ул. Россия – АСЕАН саммитын оештыру дәрәҗәсенә күчкәч, Зарубин Моннан ел ярым элек узган БРИКС саммиты турында искә төшергән.
“Казан мондый чараларны бик шәп уздыра белә", - дип билгеләп үткән ул. Бөтенроссия дәүләт телерадиокомпаниясе корреспонденты шулай ук кичә чәк-чәктән ашап каравын әйткән.
«Мин, гомумән, баллы ризык ашамадым, ләкин кичә, чәк-чәкне күргәч, каршы килә алмадым",- дип өстәгән Павел Зарубин.
Нет комментариев