Каратунда Бөек Җиңүнең 80 еллыгын бәйрәм иттеләр

  Бәйрәм чарасында мәдәният, балалар бакчалары, мәктәп, төрле оешма хезмәткәрләре , өлкән буын үзләренең патриотик рухтагы җырлары, биюләре белән катнашты.
Район башлыгы урынбасары Ленар Хантимиров район башлыгы исеменнән сәламләде.
"Хөрмәтле райондашлар! Сезне район башлыгы Айрат Җиһаншин исеменнән Бөек Җиңүнең 80 еллыгы белән тәбрик итәм. Барыгызга да сәламәтлек, иминлек, шатлыклы көннәр телим. Ил-көннәребез тыныч булсын!",- диде ул.
Шулай ук Каратун җирлеге башлыгы Радик Исмәгыйлев, ветераннар Советы рәисе Венера Шигабиева котлау сүзләрен ирештерделәр.
Бәйрәмгә килүчеләрне кайнар чәй, тәмле коймак каршы алды.