Апасның ДАИ хезмәткәрләре киңәш итә

Лейля Шигабеева, 7 июль 2025 - 09:39

297

Апас Дәүләт автоинспекциясе хезмәткәрләре, халыкка интернет челтәре – дәүләт хезмәтләре порталы аша электрон формада дәүләт хезмәтләрен алырга мөмкин булуы турында искәртә.

(7 июль, “Апастово-информ”).

Порталда теркәлеп, гариза бирүче түбәндәге мөмкинлекләргә ия:
- автотранспорт чараларын теркәү;
- юл хәрәкәте өлкәсендә административ хокук бозулар турында белешмәләр алу.

Интернет челтәре аша дәүләт хезмәтләрен алуның өстенлекләре күп. Мәсәлән, гражданин үзе өчен уңайлы вакытта, гаризаларның электрон формасын тутыра, сайлап алынган хезмәт күрсәтү өчен кабул итү вакытын һәм урынын сайлап ала һәм аныклый ала.

Шәхси кабинетта шулай ук дәүләт хезмәтләре порталында гариза эшкәртү стадиясен күзәтү мөмкинлеге бирелә.

Шулай итеп, кеше үзенә кирәкле дәүләт хезмәтен тиз һәм вакытында, чиратларда вакытны югалтмыйча ала.