Апаста балалар хәвефсезлеге буенча рейдлар бара

  “Казан-Ульян-Апас-Уланово-Каратун юлында руль артындагы ир-ат дөрес тизлекне сайламый һәм нәтиҗәдә, яшүсмерне бәрдерә. Егет исә дөрес булмаган җирдән юл аркылы чыгып кибеткә барган. Бала тән җәрәхәтләре алып, хастаханәгә озатылды”, - ди ЮХИДИ бүлеге җитәкчесе Румбик Гәрәев.
  Хәзерге вакытта әлеге юлга җәяүле сукмагы ясау, балаларны “Йорт-мәктәп-йорт” куркынычсыз маршрут хәрәкәтенә төшендерү, киемнәрдә яктылыкны кире кайтаручы элементлар булдыру эшләре бара.
  Соңгы айларда велосипедларда йөргән 7 яшүсмергә “Тукта – синең гомерең куркыныч астында” карточкасы тутырылган, шулай ук әлеге карточка юл кагыйдәләрен бозган 8 җәяүлегә язылган.