ЮХИДИ хезмәткәрләре белән берлектә Кыш бабай машина йөртүчеләрне бәйрәм белән котлады.
(31 декабрь, "Апастово-информ").
Алар шоферларны Яңа ел белән котлап, имин, хәвефсез юллар теләделәр, кагыйдәләрне үтәргә чакырдылар. Шул ук вакытта бәйрәмчә кәефтә руль артына утырмаска өндәп, белешмәлекләр, яктылыкны кире кайтаручы элементлар тапшырдылар.
" Иртәдән үк руль артына утырган райондашларны сөендерергә уйладык. Шул ук вакытта бу кисәтү чарасы дә булып тора. Яңа еллар имин узсын, күңелсезлекләр алып килмәсен", - ди ЮХИДИ бүлеге җитәкчесе Румбик Гәрәев.
Бәйрәм акциясе һәр яңа елда традициягә кергән. Шулай ук 8 март, 23 февраль бәйрәмнәрендә дә уза.
Шоферлар сагаеп кына туктасалар да, соңыннан елмаюларын яшермәделәр. Кыш бабай да җылы сәламләде үзләрен.
Нет комментариев