Апаста “Тоннель” вакытында ике машина штраф стоянкага ябылган

(16 октябрь, “Апастово-информ”).

  ЮХИДИ хезмәткәрләре участок инспекторлары белән берлектә иртән юлга чыккан барлык транспорт чарасына да игътибар бирде.
  “Тоннель” Казан-Ульян юлының 77нче чакрымында узды. Төп игътибар автобусларга юнәлтелде. Рейд вакытында 13 беркетмә төзелде. Тормозлары төзек булмау нәтиҗәсендә бер транспорт чарасы штраф стоянкасына ябылды. 3 автобус шоферы һәм аларда утырып барган 3 пассажир куркынычсызлык каешын эләктермәгән өчен җәза алды. Шулай ук исәпкә куелмаган машинаны да штраф стоянкасына озатырга туры килде”, - ди ЮХИДИ бүлеге җитәкчесе Румбик Гәрәев.