Бала кулындагы “уенчык” – өлкәннәр ялгышы

(19 сентябрь, “Апастово-информ”).

Җыелышта ДАИ инспекторы Динар Файзуллин юл йөрү кагыйдәләре үтәлеше хакында сөйләде, район-республика мәгълүматлары белән таныштырды.
“Кызганычка каршы, бездә статистика мәгълүматлары зур борчуга сала. Тәҗрибәсез квадроцикл, мотоцикл, битбайк кебек транспорт чаралары руленә утырган балаларның үлү, гарип калу очраклары бар. Ә бу хәтәр “уенчыкны” аларга бары тик зурлар: йә әти-әниләре, яисә башка туганнары һәм танышлары сатып ала. Өлкәннәр баланы бәхетле балачак белән тәэмин итәбез, дип уйлап ялгышалар. Әмма алар еш кына бала кулына үлемгә китерердәй “уенчык” тоттыруларын аңламыйлар”, – диде Динар Фәйзуллин.