Бер көндә 3 шофер штраф түләгән

Каршы як хәрәкәт полосасына дөрес чыкмау аркасында килеп чыккан аварияләрне булдырмауга юнәлдерелгән «Каршы як полоса» акциясенең беренче көнендә үк ДАИ хезмәткәрләре тарафыннан 3 шоферга беркетмә төзелгән. 

“Юл хәрәкәте кагыйдәләрен бозган, тиешсез җирдә каршы як полосага чыккан өчен штрафлар 7500 сумга җитә яисә 4 айдан 6 айга кадәр машина йөртү таныклыгыннан мәхрүм итү мөмкинлеге бар. Кабат хокук бозу тагын да катгыйрак җәзага - хәтта бер елга машина йөртү хокукыннан мәхрүм итүгә кадәр китерәчәк.

Хөрмәтле руль артына утыручылар, игътибарлы булуыгыз һәм машина йөртүнең гади, ләкин бик җаваплы кагыйдәләрен үтәү сезнең үз тормышыгызны гына түгел, ә әйләнә-тирәгездәге кешеләрнең гомерләрен дә саклап калырга сәләтле”, - ди Апас районы буенча Дәүләт автоинспекциясе җитәкчесе вазифаларын вакытлыча башкаручы Анис Гобәйдуллин.