Казанда мотоцикл җиңел машинага бәрелгән коточкыч авария видеога эләккән

  Шәһәр Дәүләт автоинспекциясендә хәбәр итүләренчә, «Kia» автомобиле, светофорның яшел сигналына сулга борылганда, мотоциклга юл бирмәгән. Җиңел машина белән 1976 елда туган ир-ат идарә иткән.

«Kia Rio» автомобиле, светофорның яшел сигналына сулга борылганда, каршы яктан килүче мотоциклга юл бирмәгән. Мотоцикл белән 36 яшьлек ир-ат идарә иткән», – дип сөйләде Казан Дәүләт автоинспекциясенең юл-патруль хезмәте бүлеге башлыгы Александр Григорьев.

Юл-транспорт һәлакәтендә 36 яшьлек байкер җәрәхәтләнә. Ул руль артына шлем белән, ләкин экипировкасыз утырган була. Аның бот сөяге һәм умырткасы компрессион сынган. Аны 7 нче шәһәр хастаханәсенә алып китәләр.

_{Чыганак:https://intertat.tatar/news/kazanda-motocikl-inel-masinaga-barelgan-kotockyc-avariya-videoga-elakkan-5873060}

_{Фото: Видеодан скриншот}