Казанда Россия флагы рәвешендәге тонировка ябыштырган машина йөртүче штрафка тартылды

Шәһәр Дәүләт автоинспекциясе хәбәр итүенчә, социаль челтәрләрдә таралган видеодан соң “Лада-2106” автомобилен йөртүчене эзли башлаганнар. Тикшерү барышында әлеге транспорт чарасы белән 18 яшьлек егет идарә иткәнлеге ачыкланган.

Автомобильне карау вакытында алгы пыялага ябыштырылган төсле пленкадан тыш, машинаның руль идарәсендә дә җитешсезлекләр булуы билгеләнгән.
Хокук бозучыга карата ике административ беркетмә төзелгән. Автомобиль штрафстоянкага куелган.
Чыганак “Татар-информ”