Район автоинспекциясе һава шартлары үзгәрү сәбәпле юлларда сак булырга киңәш итә

(13 ноябрь, “Апастово-информ”).

Дәүләт автоинспекциясе һава шартлары начарланганда машина йөртүчеләргә иминлек тизлеге белән хәрәкәт итәргә, каршы як полосага чыгу кебек куркыныч маневрлар ясаудан тыелырга, машина тәгәрмәчләрен кышкыга алыштырырга киңәш итә.
- Әгәр берничә көн дәвамында һава температурасы +5 °с торып, алга таба температураның түбәнәюе күзәтелсә, кичекмәстән җәйге резинаны кышкыга алыштыру мөһим. Чөнки температура төшкәндә асфальт юлда нәзек кенә боз элпәсе хасил булырга мөмкин. Сак булыгыз, үзегезне, пассажирларыгызны саклагыз, - дип кисәтә район автоинспекциясе җитәкчесе Румбик Гәрәев.