Район автоинспекциясе хезмәткәрләре балаларга игътибарны арттырырга киңәш итә

(6 август, “Апастово-информ”).

Тикшерү барышында яшүсмернең әлеге транспорт чарасы белән идарә  итү хокукы булмавы ачыкланган.

- Мопед белән идарә иткәндә М категориясе хокуклары булмау РФ КоАП 12.7 маддәсе буенча 5000 сумнан 15 000 сумга кадәр штраф яный. Штрафтан тыш, машина йөртүчене идарәдән читләштерәчәкләр, ә мопедны тоткарларга һәм махсус стоянкага урнаштырырга мөмкиннәр. Әгәр мопед белән идарә итүчегә 16 яшь тулган булып, транспорт белән идарә итү хокукы булмаса, аны РФ КоАП 12.7 маддәсенең 1 өлеше буенча җаваплылыкка тартачаклар. Әгәр ул 16 яшьтән кечерәк булса — ул үзе административ җаваплылык тартылмый, әмма аның өчен РФ КоАП 5.35 маддәсе буенча ата-аналары (законлы вәкилләре) җавап бирә. Мопедны шулай ук тоткарлаячаклар. РФ Административ хокук бозулар кодексының 12.7 маддәсенең 3 өлешендә идарәне хокуксыз кешегә тапшырган (мәсәлән, дустына йөрергә биргән) өчен җаваплылык каралган. Бу очракта штраф инде 30 000 сум, - дип белдерде ДАИ бүлеге җитәкчесе Румбик Гәрәев.