Районда 10 көн эчендә 3 машина йөртүчегә катгый җәза бирелгән

  (11 сентябрь, “Апастово-информ”).

  Сентябрь аеның узган 10 көнендә районның җәмәгать судында салмыш килеш руль артына утырган машина йөртүчеләрнең эше каралган. Ф.И.А., Ш.Ш.А., В.Н.Т. суд каршына басып, үзләренең гамәлләре өчен җитди җавап биргәннәр. Күпме генә акланырга тырышсалар да, үкенүләрен белдерсәләр дә салмыш килеш утырган машина йөртүчеләрне җәмәгать суды гаепле дип тапкан һәм 30 мең сум күләмендә штраф билгеләгән, шулай ук 18 айга транспорт чарасы белән идарә итү хокукыннан да мәхрүм иткән. Бу хакта Апас районы башкарма комитетының юл хәрәкәте иминлеге комиссиясе хәбәр итте.