Җәмгыять һәм без

Көзнең соңгы аеның истәлекле көннәре, сынамышлар белән танышыгыз

2 ноябрь 2026 - 10:32 Автор:

Апастово-информ

Саумы, ноябрь!

Истәлекле көннәр, һөнәри бәйрәмнәр һәм юбилейлар

1 – Суд приставлары көне;
– күренекле татар композиторы Сара Садыйкованың тууына 120 ел;
2 – Шагыйрь, балалар язучысы, драматург Мөдәрис Багаевның тууына 75 ел.
3 – Күренекле галим, филология фәннәре докторы, профессор Рәиф Әмировка – 85 яшь.
4 – Халыклар бердәмлеге көне;
7 – Бөтендөнья ир-егетләр көне;
8 – Халыкара КВН көне.
10 – Русия Эчке эшләр органнары хезмәткәрләре көне.
12 – Саклык банкы хезмәткәрләренең һөнәри бәйрәме
13 – Радиацион, химик һәм биологик саклау гаскәрләре көне;
– Бөтендөнья изгелек көне.
14 – Бөтендөнья логопедлар көне.
15 – Бөтендөнья хәрби хезмәткә чакырылучылар көне;
16 – Бөтендөнья кул эшләре көне.
17 – Халыкара студентлар көне;
18 – Кыш бабайның туган көне.
19 – Ракета гаскәрләре һәм артиллерия көне;
20 – Бөтендөнья бала хокуклары көне;
21 – Русия Салым органнары хезмәткәрләре көне;
– Бөтендөнья телевидение көне;
– Бөтендөнья сәламләү көне.
22 – Психологлар көне;
29 – Әниләр көне.
30 – Бөтендөнья йорт хайваннары көне.

Фенолог язмалары

Ноябрь нинди булса, яз шундый киләчәк, дип ышанган борынгылар.

1 ноябрь көнне суык икән, бер атнадан буран дулар. Бүгенге суык киләсе елның мул уңышына ишарә. Көн җылы булса, кыш җылы килер.
2 ноябрь кар коры җиргә төшсә, ә агачлар яфрак коеп бетермәгән икән, ул тиздән эреп бетә.
3 ноябрь җылы булса, бер атна җылы һава торышы саклана.
4 ноябрь көнне яңгыр яуса, кыш иртә килер. Вак яңгыр сибәләп торса, һава торышы бозылыр. Иртә томан белән башланса, тагын да җылытыр.
5 ноябрь көнне кар яисә яңгыр төшсә, димәк, өч атнадан кар ята.
6 ноябрь көнне Айны күзәтәләр. Ул нурлар чәчеп ялтыраса – җылыта, сызыкланып, калтырап күренсә – суыта.
7 ноябрь көнне йолдызлар тонык янса, һава торышы бозыла.
8 ноябрь иртәдән бәс – карлы кышка ишарә.
9 ноябрь нинди, май ае шундый.
10 ноябрьдә бәс – суыкка, томан – җепшек көнгә.
11 ноябрь – болытлар түбән йөзсә, чатнама суыклар көтелә.
12 ноябрь – кырпак кар төшсә, чын кыш озак көттермәс.
13 ноябрь – көн аяз икән, иртәгәсе көннәр җилле булыр.
14 ноябрь көнне кар төшсә, язын су күп булыр. Боз катса, язга кадәр суыклар сакланыр. Бу көнне пычрак аякка иярә икән, димәк, декабрьгә кадәр суыклар булмас.
15 ноябрь көнне суык булып, әтәчләр җырласа, көннәр җылыта. Бу көнне тәрәзәдә бизәкләр хасил булса, язын яшеллек мул булыр.