“Апасфест-2024” кичке учак янына җыйды

Лейля Шигабеева, 18 июль 2024 - 14:40

492

Районда 12-14 июль көннәрендә “Апасфест-2024” гаилә музыкаль-туристлык фестивале узды. Ул өч көн дәвам итте.

(18 июль, “Апастово-информ”).

Фестивальнең өч көнендә сәхнәдә 25 артист чыгыш ясады, 6 мастер-класс үткәрелде, экскурсоводлар эшләде.

Фестивальдә катнашучылар палаткаларда торды, ачык һавада ризыклар әзерләде һәм төнге учак янында җырлар җырладылар. Дәвеш мәдәният йорты хезмәткәрләре тырышлыгы белән Кыз тавы турында легенда сәхнәләштерелде, әлеге якның тарихы сурәтләнде. Аны һәркем кызыксынып карады.