1 декабрьдән башлап, машина йөртүчеләр җәйге резинада йөргәннәре өчен 500 сум күләмендә штраф түләргә мәҗбүр булачак.
Дәүләт автоинспекциясе мондый хокук бозу өчен бер көн эчендә берничә тапкыр штраф салырга мөмкин, дип сөйләгән “Абзац” белән әңгәмәдә автоюрист Лев Воропаев. Бу хакта “Татар-информ” яза. Юрист аңлатуынча, Россия Федерациясе Административ хокук бозулар кодексының 12.5 маддәсенең 1 өлеше буенча мондый хокук бозу өчен кисәтү яки 500 сум штраф каралган.
Ә мөһиме, бу хокук бозу өчен тәүлек эчендә берничә тапкыр штраф салынырга мөмкин. Шулай ук, җәйге резинаны кышкы чорда куллану юл-транспорт һәлакәтләрендә тикшерүне катлауландырырга мөмкин. Әгәр машина йөртүчеләрнең гаепле булуы турында бәхәс туса, экспертиза автомобильченең кышкы шиннар кулланганда бәрелешүдән качу мөмкинлеге булганмы-юкмы икәнен ачыклаячак. Шуны истә тотарга кирәк: сезонлы таләпләрне бозу машина йөртүчене һәлакәттә гаепле дип автоматик рәвештә тануны аңлатмый.
Нет комментариев