Йомырканы дөрес күпертә, пешерә, саклый беләсезме?

Йомырканың агы яхшы күперсен өчен аны суыткычта тотарга һәм бераз гына лимон кислотасы яисә берничә тамчы лимон суты тамызырга кирәк.
Йомырканың сарысы яхшылап күперсен өчен аны җылы урында тотып алырга һәм аз гына шикәр кушарга кирәк.

Омлет кабарып торсын өчен аны әзерләгәндә барлык ингредиентлар янына бер чеметем сода кушыгыз.
Йомырканы түгәрәк килеш пешергәндә дә суга бераз чәй содасы салсагыз, йомыркалар тиз һәм җиңел әрчелер.

Суыткычта йомыркаларны очлы ягы белән аска каратып тотсагыз, алар озаграк сакланыр.

Автор: Ләйсән Якупова

Чыганак: https://kiziltan.ru/

фото: https://ru.freepik.com