Райондашларыбыз башкаладан медальләр белән кайтты

Биредә гаилә династияләре белән сәхнәне үз иткән, иҗат белән янып яшәүче, район күләмендә узган чараларның үзәгендә кайнаучы, зона һәм республика күләмендә узган чараларда актив катнашучы гаиләләр чакырылды. Кече Болгаер авылыннан Низамовлар династиясе һәм Борнаштан Гыйльметдиновлар гаиләсе әлеге кичәдә катнашты. “Танылган шәхесләр белән аралашу, бүләкләү тантанасын үз эченә алган, җылы тәэсирләр бүләк иткән чара булды“, – диләр кичәдә катнашучылар.
Тантана барышында район мәдәният бүлеге җитәкчесе Рөстәм Мингазиевка, Низамовларга, Гыйльметдиновларга Театр елы уңаеннан медальләр тапшырылды һәм җылы, матур сүзләр әйтелде.