Апас шоферлары куркынычсызлык каешын эләктерергә яратмый

(2 июнь, “Апастово-информ”).

“Чираттагы “Тоннель” операциясен Яшьләр урамында уздырдык. Төп игътибар балаларны махсус утыргычта йөртүгә юнәлтелде. Әти-әниләр балаларны йөртү кагыйдәләрен үтәсә дә, кайбер таләпләргә салкын карый. Мисал өчен, шул 2 сәгать эчендә куркынычсызлык каешын эләктермәгән 5 шофер белән очраштык. Аларга беркетмәләр төзелде”, - ди районның ЮХИДИ бүлеге җитәкчесе Румбик Гәрәев.
Иминлек каешын эләктермәгән йөртүчеләргә – 1000 сум, пассажирларга 500 сум штраф түләргә туры киләчәк.