Апаста 2 шофер узарга чыккан өчен штраф түләячәк

(23 май, “Апастово-информ”).

“Каршы як полосага чыккан өчен 5 мең сум күләмендә штраф каралган яисә 4 айдан 6 айга кадәр праваңнан колак кагасың. Мондый хокук бозу белән кабат эләккән кешеләргә бу вакыт бер елга кадәр озынайтыла. Әлеге административ хокук бозу турындагы Кодекс таләпләре аварияләр һәм үлем китемнәр китереп чыгаручыларга кагылмый. Юл транспорт һәлакәтендә кешеләр зыян күргән яисә үлгән икән, штраф һәм права алыну белән генә котылып булмаячак. Аны закон нигезендә хөкем итәчәкләр, - ди районның ЮХИДИ бүлеге җитәкчесе Румбик Гәрәев.

Юлда бер секунд кеше гомеренең язмышын хәл итәргә сәләтле. Ашыгып узышырга чыкканчы, һәр адымны кат-кат уйлау мөһим.