Бөгелмәдәге Губин исемендәге балалар лагеренда авырып киткән кыз менингококк инфекциясеннән вафат булган. Бу хакта ТР Яшьләр министрлыгына сылтама белән “Татар-информ” хәбәр итә.
Кыз 1 ноябрьдә башы авыртуга зарланып лагерьның медпунктына мөрәҗәгать иткән. Температурасы 39,4 градуска кадәр күтәрелгән. Соңрак аны әти-әнисе алып киткән. 2 ноябрьдә баланың хәле начарайган, ул хастаханәгә озатылган.
Табибларның тырышлыгына карамастан, кыз шул ук көнне 17:15 сәгатьтә вафат булган. Беренчел диагноз - менингококк инфекциясе, менингококцемия һәм Уотерхаус-Фридериксен синдромы.
Хәзер лагерьда булган барлык балалар табиблар һәм Роспотребнадзор күзәтүенә алынган. Кыз белән бер отрядта булган балаларны вакцинацияләү планлаштырыла.
Чыганак “Татар-информ”.
Нет комментариев