Районның җәмәгать суды 6 машина йөртүчегә җәза биргән

(27 февраль, “Апастово-информ”).

Район башкарма комитетының юл хәрәкәте иминлеге комиссиясе хәбәр итүенчә, февраль аенда 6 машина йөртүче салмыш килеш транспорт чарасы белән идарә иткәне өчен җәмәгать суды каршында җавап биргән.
“Машина йөртүчеләр үз гаепләрен тулысы белән таныган. Тик шулай да җәмәгать суды аларга карата катгый җәза чыгарган. Нәтиҗәдә, Р.А.М., З.Л.Р., Б.Р.Г., Н.Р.Ф., М.А.Г., Х.Т.Г. 18 айга машина йөртү таныклыгыннан мәхрүм ителгәннәр һәм 30 мең сум күләмендә штрафка тартылганнар”, - диелә хәбәрдә.