Татарстанда кайбер гражданнар ОСАГО полисын рәсмиләштерүгә тотылган чыгымнарның яртысын кире кайтара ала.
Кемнәрнең моңа хокукы бар?
- -медицина күрсәткечләре буенча автомобиль кулланырга тәкъдим ителгән балигъ булган инвалидлар һәм аларның законлы вәкилләре;
- -инвалид балаларның ата-аналары, уллыкка алучылары, опекуннары һәм попечительләре.
Автомобильне куллану ихтыяҗы реабилитация һәм абилитация программасында күрсәтелгән булырга тиеш. Компенсация күләме - ОСАГО полисы өчен түләнгән иминият премиясенең 50 проценты. Гариза Россия Социаль фонды тарафыннан, кагыйдә буларак, 5 эш көне эчендә карала. Кирәкле мәгълүматлар җитмәгән очракта, карау срогы тагын 5 эш көненә озайтылырга мөмкин.
Чыганак “Татар-информ”.
Нет комментариев