Апас мәктәбе укучылары Бердәм дәүләт имтиханнарын уңышлы тапшырганнар

(2 июль, “Апастово-информ”).

Агымдагы елда Апас урта мәктәбен 14 укучы тәмамлаган. Уку елы йомгаклары буенча «Укудагы аерым уңышлары өчен» беренче дәрәҗә медальгә 3 укучы, икенче дәрәҗә медальгә 1 укучы ия булган. Чыгарылыш сыйныф укучылар Бердәм дәүләт имтиханнарын да уңышлы тапшырганнар, югары баллар алганнар. Айзилә Айтуганова биология фәненнән 88 балл, Илназ Гыйсмәтуллин химиядән 90 балл, Айнур Сафин математикадан 82 балл, Булат Сафин информатикадан 83 балл, Динә Шакирова биологиядән 80 балл җыйган. Ленар Хәбибуллин химияне 93 баллга, рус телен 89 баллга тапшырган. Адель Хөсәенов исә өч фәннән дә югары балл алуга ирешкән. Ул Химия фәне буенча 91 балл, биология буенча 86 балл, рус теле буенча 81 балл алган.